aJoel 3:21; Zec 1:16
bIsa 65:20
cPh 107:3
dHag 2:4
e2Ku 25:7; Ph 30:11
fPh 86:9; Zec 7:2
gPh 102:22; 1Co 14:25

Zechariah 8

TOPA in Jerusalem Thupha Piak ding Kamciam

1Thahatpen TOPA thu kei tungah hong tung kik hi. 2Thahatpen TOPA thugen hih ahi hi: “Zion ka aam mahmah hi; amah ka aamna-in ka sin ka lung a so hi,” a ci hi.

3 TOPA thugen hih ahi hi: “Zion ah ka kileh dinga, Jerusalem ah ka teng ding hi. Tua ciangin Jerusalem pen Thutak Khuapi kici dinga, Thahatpen TOPA mual pen Mual Siangtho kici ding hi,” a ci hi. a

4 Thahatpen TOPA thugen hih ahi hi: “A teek mahmah pitek le putekte khat vei Jerusalem kongzingte ah tu kik ding hi. Tek lua uh ahi manin ciangkhut a khun ciat ding uh hi. 5Khuapi sung kongzing teng numeino le pasalno kimawlte tawh kidim ding hi,” a ci hi. b

6 Thahatpen TOPA thugen hih ahi hi: “Tua hun ciangin a baanglai hih mite adingin tua pen a piandang tawh kibang ding hi. Ahi hangin kei adingin piandang ding ahi hiam?” Thahatpen TOPA in cikhia hi.

7 Thahatpen TOPA gen hih ahi hi: “Nitumna le nisuahna gamte panin ka mite ka honkhia ding hi. 8Jerusalem a teng dingin amaute ka puak kik dinga, amaute keima mite hi-in, keimah amaute Pasian hihna tawh amaute tungah thumaanin ka muanhuai ding hi,” a ci hi. c

9 Thahatpen TOPA gen hih ahi hi: “Thahatpen TOPA inn ding abul kiphuh hun lai-a om kamsangte thugen tu-a a za note aw, biakinnpi kilam theih nadingin na khut uh khauhsak un. 10Tua hun ma-in mihing ganhing thaman a om kei hi. Keimah in mi khempeuh a vengte tawh kilangneihsak ka hi manin a galte uh hangin lungmuangtaka nasem kuamah a om kei hi. 11Ahi hangin tu-in a beisa-a ka hih bangin hih a baanglaite tungah ka hih nawn kei ding hi,” Thahatpen TOPA in cikhia hi. d

12 “Vantungte in daitui kiasakin ankungte hoihtakin po dinga, lengguite gahin leitang in gah a gahsak ding hi. Hih a baanglai mite tungah a luah dingun hihte khempeuh ka pia ding hi. 13Judah le Israel aw, minamte lakah hamsiatna na suah khit uh bangin kong honkhia dinga, thupha khat na hi ding uh hi. Kihta kei unla, na khut uh khauhsak un,” a ci hi.

14 Thahatpen TOPA gen hih ahi hi: “Na pate un kei hong hehsak ciangin ka hehpih loh bangin note tungah siatna tunsak ding ka khentat hi,” Thahatpen TOPA in ci hi, 15“Tu-in Jerusalem le Judah tungah a hoihin bawl kik dingin ka khensat khin hi. Kihta kei un. 16Note sep ding hihte ahi hi: Khat le khat thutakin kihopih unla na thukhen zumte uh ah a maan le a hoihin thu khen un; 17na vengte uh tungah a hoih lo sawm kei unla amaan lopi a kiciam nuamsa kei un. Hihte khempeuh ka mudah hi,” TOPA in cikhia hi.

18 Thahatpen TOPA thu kei tungah hong tung kik hi. 19Thahatpen TOPA gen hih ahi hi: “Judah-te adingin a kha lina, a kha ngana, a kha sagihna le a kha sawmna-a antannate, lungdamna hunte le nuamna pawi suak ding hi. Tua ahi ciangin thutak le kilemna na it un,” a ci hi. e

20 Thahatpen TOPA gen hih ahi hi: “Mi tampite le khuapi tampi-a a tengte hong pai lai ding uh a, 21khuapi khata tengte adang khatah pai-in, ‘Eite pai-in TOPA tungah thuumin, Thahatpen TOPA zong pah ni. Kei a paipai ta ka hi hi,’ ci ding uh hi. 22Tua ciangin mi tampi le a vanglian minamte Thahatpen TOPA zongin, Jerusalem ah pai ding uh a ama tungah a thum ding uh hi,” a ci hi. f

23 Thahatpen TOPA thugen hih ahi hi: “Tua ni ciangin kam khempeuh le minamte khempeuh sung pan mi sawm in Jew khat a puanmongteep panin lenkipin, ‘Nang tawh tonkhawm ni, bang hang hiam cih leh nang tawh Pasian omkhawm hi, a kicih ka za uh hi,’ ci ding uh hi,” a ci hi. g

Copyright information for ZomZIV